Té vréman in bon soiré
Lo konsèr té doss,vréman gayar...
Mi sar pa ral azot kari sou deri. Dann in konsèr, nana touzour détroi ti kanar parsi parlà. kwé va fé?
Soman yèrosoir, Cyclone Café, Jala la mèt lanbians. Poitan, alala kozman fonnkézé. Demoun zot minm té o bout po konprann tout lo zarlor nout lang. Mé lo kor té ansanm, lespri par dérièr.
6 morso kazi kalé, i rès anou ankor in takon travay po fé. An zanvié nana lo stidio i atann anou, po fé sort nout promié albom Jala. Soman n'ankor 7 morso po fagoté, koin par koin. Soman, Yèrswar, nou la konpri lo zafèr i pé avansé doub mézir. Anfin, mi di bien anfin, Babou B'JAlah nana son group, san souplinn pèrsone, san traka lanmaraz, san larlik komandèr, san trikmardaz fo dalonaz. Son tousèl li la gingn mèt anplass in mizik, in fonnkèr ...
Mi armèrsi David Guyomard, nout manager, po son dévouman, son travay po done anou la ras si podiom. Gran mèrsi bann mizisien. Yannick Geynet (Corrézien, in kar Alsacien), Khalid Addi lo marokin, Frédéric Moimbé po son bass i rézone kalbas, èk Bertrand Nardy (zwar travayèr, la dor minui po lèv troi zèr. zwar la bézoin travay si koté). sirtou, ankor bann dalon, lantouraz pintad. Arno Bazin, Pascal Léanie, Frédéric Celestin la v'ni done la min, po mèt ansanm lanbians.
Soman yèrosoir, Cyclone Café, Jala la mèt lanbians. Poitan, alala kozman fonnkézé. Demoun zot minm té o bout po konprann tout lo zarlor nout lang. Mé lo kor té ansanm, lespri par dérièr.
6 morso kazi kalé, i rès anou ankor in takon travay po fé. An zanvié nana lo stidio i atann anou, po fé sort nout promié albom Jala. Soman n'ankor 7 morso po fagoté, koin par koin. Soman, Yèrswar, nou la konpri lo zafèr i pé avansé doub mézir. Anfin, mi di bien anfin, Babou B'JAlah nana son group, san souplinn pèrsone, san traka lanmaraz, san larlik komandèr, san trikmardaz fo dalonaz. Son tousèl li la gingn mèt anplass in mizik, in fonnkèr ...
Mi armèrsi David Guyomard, nout manager, po son dévouman, son travay po done anou la ras si podiom. Gran mèrsi bann mizisien. Yannick Geynet (Corrézien, in kar Alsacien), Khalid Addi lo marokin, Frédéric Moimbé po son bass i rézone kalbas, èk Bertrand Nardy (zwar travayèr, la dor minui po lèv troi zèr. zwar la bézoin travay si koté). sirtou, ankor bann dalon, lantouraz pintad. Arno Bazin, Pascal Léanie, Frédéric Celestin la v'ni done la min, po mèt ansanm lanbians.
à tanto tout la bann ...
Po armèt la mèt lanbians, la troup o konplé
DJ Dan l'ashèv mèt siklone dann kafé Sinn-Ni. Té doss, gayar, gadianm, sikrodorz, doumièl ...